Cercle

Mae dros 20 miliwn o gerbydau yn cyrraedd diwedd oes bob blwyddyn yn yr UE a'r Unol Daleithiau yn unig. Er bod cyfraddau ailgylchu yn uwch mewn gwledydd datblygedig, mae o leiaf 25% o bob cerbyd sy'n cael ei sgrapio yn mynd i safleoedd tirlenwi.

Mae olwynion llywio, gydag adeiladwaith cymhleth, aml-ddeunydd a rheolaethau integredig yn broblem benodol ac felly ni ellir eu hailgylchu, gan arwain at gyfran sylweddol yn dod i ben mewn safleoedd tirlenwi bob blwyddyn. Mae metelau, polymerau, elastomereg, synthetig ac electroneg fel arfer yn cael eu cyfuno mewn ffordd sy'n eu gwneud yn amhosibl datglymu, gan ddiweddu mewn miloedd o dunelli o adnoddau gwerthfawr sy'n cael eu gwastraffu'n flynyddol. Rhagwelir y bydd y genhedlaeth nesaf o gerbydau yn cynnwys electroneg mwy integredig a galluoedd adborth haptig, gan wella profiad y gyrrwr ond ar yr un pryd ychwanegu at heriau ailgylchu.

Mae Cercle yn olwyn lywio modurol sy'n mabwysiadu dull economi gylchol llawn o ddylunio heb gyfaddawdu profiad y gyrrwr. Mae'n caniatáu datgysylltu hawdd a chyflawn a gellir ei ailgylchu ar ddiwedd oes, tra'n ymgorffori'r rheolaethau cymhleth a'r adborth haptig i arwyneb esthetig traddodiadol a rheoli ansawdd uchel, y gellir ei ddatgymalu a’i ailgylchu ar ddiwedd oes.

Manylion technegol:

Mae'r rheolaeth genhedlaeth nesaf ac ystyriaethau adborth defnyddwyr wedi'u hintegreiddio o fewn yr olwyn lywio gyda thechnoleg synhwyro piezo-trydan printiedig wedi'i hymgorffori drwy gydol arwynebau cyffyrddol.. Mae gwneud hynny yn galluogi ‘r gyrrwr i ddefnyddio dewislenni a gorchmynion allweddol ar rhyngwyneb yr olwyn tra'n caniatáu ar gyfer mewnbwn ac adborth haptig. Mae hyn yn caniatáu i'r gyrrwr fonitro cyflyrau gyrwyr megis blinder, straen a pharamedrau iechyd allweddol drwy'r olwyn, tra'n darparu lefel ychwanegol o adborth gan yrwyr fel arwydd man dall.

Manylion ailgylchadwy:

Mae ymagwedd Cercle at dechnolegau deunyddiau, cynhyrchu a chydosod yn caniatáu iddo gael ei ddatglymu’n hawdd i ffrydiau gwastraff cydrannau heb gyfaddawdu ar ei ddefnyddio. Mae dyluniad olwyn lywio y gellir ei hailgylchu yn bodloni un o amcanion amgylcheddol mawr yr UE ac yn gam ymlaen tuag at system drafnidiaeth lawn sy’n seiliedig ar economi gylchol a allai atal hyd at 6 miliwn o olwynion llywio rhag cael eu hanfon i safleoedd tirlenwi yn Ewrop bob blwyddyn.

Yn canolbwyntio ar y defnyddiwr:

Yn bwysicach oll, nid yw'r defnydd o ddeunyddiau cynaliadwy a dulliau gweithgynhyrchu arloesol wedi peryglu mannau cyswllt emosiynol allweddol ar gyfer gyrwyr fel ansawdd adeiladu a diogelwch. Bwriedir i'r dyluniad fod yn gyfarwydd i yrwyr a darparu ar gyfer ymddygiadau traddodiadol gyrrwyr.

Mae nifer o bartneriaid ymchwil a chwmnïau modurol wedi cyfrannu at ddatblygiad Cercle, sydd wedi cyd-fynd â'r amcan o atebion trafnidiaeth mwy cynaliadwy. Mae manteision cryf i'r cyflenwr modurol Haen 1 allweddol wrth hyrwyddo Cercle, gan gadarnhau enw da am arloesi a cyd-fynd â'r galw cynyddol gan gwsmeriaid am atebion cynaliadwy.

Mae Cercle yn cyflwyno cynnydd ym mhrofiad ac ansawdd y defnyddiwr, yn ogystal â cham tuag at gyrraedd targedau cynaliadwyedd uchelgeisiol. Mae gwneud hynny yn ei alluogi i sefyll allan fel olwyn lywio newydd arloesol, yn barod i gwrdd â gofynion economi gynyddol gylchol yr 21ain ganrif.