Ar Eich Stepen Drws

Deall amcanion

I gychwyn y broses o ddylunio’r arddangosfa, cafodd gweithdy ei gynnal gan ein tîm PDR ar y cyd gyda thîm prosiect Amgueddfa Cymru i feithrin dealltwriaeth o anghenion rhanddeiliaid y prosiect a chynulleidfaoedd posibl Oriel y Parc ac ymhellach.

Yn dilyn y gweithdy, rhannodd y curaduron restr o wrthrychau a ddewiswyd yn ofalus o gasgliadau helaeth yr Amgueddfa i ni eu hymgorffori yn nyluniad ein harddangosfa. Roedd y gwrthrychau a ddewiswyd yn cynnwys darganfyddiadau archeolegol o’r ardal leol a sbesimenau gwyddoniaeth naturiol sy’n digwydd yn Sir Benfro. Roedd tîm prosiect Amgueddfa Cymru yn cynnwys curaduron a gwarchodwyr o’r gwyddorau naturiol, botaneg, bioamrywiaeth infertebratau, archaeoleg, cynhanes a niwmismateg. Mae’r cydweithio eang yn anarferol i’r amgueddfa, cyflwynodd hyn her gan fod angen i ni ymgorffori’r holl nodweddion yn effeithiol, ond hefyd helpodd hyn i ni wella potensial canlyniad terfynol y prosiect.

Cyd-ddylunio

Gydag amcanion y prosiect wedi’u nodi a’r eitemau arddangos wedi’u pennu, roedd yn bryd i’r tîm gymhwyso ein harbenigedd dylunio gorfodol. Ar ôl ymweld â’r safle a chreu model CAD o’r gwagle, gwnaethom ddefnyddio gwybodaeth a gawsom wrth dîm yr amgueddfa ymhellach drwy gynnal sesiwn gyd-ddylunio gyda gweithgareddau wedi’u teilwra i archwilio cynnwys arddangosfeydd, rhyngweithio, cynhwysiant ac archwilio teithiau posibl i ymwelwyr cyn, yn ystod ac ar ôl ymweliad â’r arddangosfa.

Yn y sesiwn buom yn trafod sut y gellir defnyddio gwahanol wrthrychau fel canolbwynt a sut y gallem blethu gwahanol naratifau rhwng gwrthrychau ar gyfer cynulleidfaoedd targed penodol. Gwnaethom ystyried gwerthoedd Parc Cenedlaethol Arfordir Penfro, a sut y gall yr arddangosfa ysbrydoli ymwelwyr i ofalu amdano a dysgu amdano gyda phwyslais ar ryngweithio ac adrodd straeon.

Gyda’r cysylltiadau hyn wedi’u nodi, roeddem yn gallu dylunio gwahanol barthau o arteffactau drwy gydol yr arddangosfa i greu taith gydlynol drwy themâu archwilio, ecoleg a threftadaeth.

Roedd ein cynnig cychwynnol yn cynnwys profiadau cyffyrddadwy, goleuo a seinluniau i efelychu’r amgylchedd naturiol a plethu’r arddangosfa â’r awyr agored. Roeddem hefyd eisiau creu cyfleoedd i’r gynulleidfa cipio’u darganfyddiadau yn yr arddangosfa a rhannu eu profiadau personol gyda’r cyhoedd. Gwaned hyn i gadw at uchelgais ehangach Amgueddfa Cymru o fod yn amgueddfa o wrandawyr, gan arddangos ac adrodd straeon.

Datblygu a chyflwyno’r arddangosfa

Gyda naratif a chysyniad terfynol, symudodd y tîm ymlaen i gyfnod o ddylunio manwl – gan greu lluniadau technolegol i gefnogi’r adeiladu a’r gosod. Drwy’r cam hwn, buom yn gweithio’n agos gyda thîm Amgueddfa Cymru i ddeall y gofynion o ran gosod, diogelwch a chadwraeth y casgliadau.

Wrth i arbenigwyr a dehonglwyr Amgueddfa Cymru o Barc Cenedlaethol Arfordir Penfro gydweithio i greu cynllun dehongli, bu’r tîm PDR yn gweithio gyda phartneriaid adeiladu, Aquilla Concepts, i sicrhau bod y dyluniadau’n dod yn fyw ar gyfer agoriad yr arddangosfa. Ar ôl i’r gwaith adeiladu’r arddangosfa ddechrau, fe wnaethom droi ein sylw at gyfryngau print, gan sicrhau bod arddull dylunio graffig atyniadol a chlir yn cael ei ddefnyddio i gyfleu’r testun a’r delweddau i gynulleidfaoedd sy’n ymweld.