O Gymru i San Steffan: Ymgorffori Dylunio ar gyfer Cenedlaethau’r Dyfodol yn Strategaeth Ddiwydiannol y DU
O Gymru i San Steffan: Ymgorffori Dylunio ar gyfer Cenedlaethau'r Dyfodol yn Strategaeth Ddiwydiannol y DU, gan yr Athro Anna Whitcher
Wedi'i ysgogi gan y Cyngor Dylunio, mae'r Tîm Polisi yma yn PDR wedi bod yn myfyrio ar y ffordd orau o ymgorffori dylunio mewn ymatebion i ymgynghoriad y Llywodraeth ar ei pholisi blaenllaw 10 mlynedd: Buddsoddi 2035: Strategaeth Ddiwydiannol Fodern y DU.
Cyhoeddwyd papur gwyrdd y Llywodraeth ar 17 Hydref 2024 a'i nod yw gosod y DU fel arweinydd mewn diwydiannau gwyrdd a sbarduno twf economaidd tymor hir. Sut maent yn gallu gwneud hyn? I unrhyw un sy'n gweithio yn y maes, yr ateb yw dyluniad.
Un o'r cwestiynau yn yr ymgynghoriad yw: “Sut ddylai'r Strategaeth Ddiwydiannol gyd-fynd â strategaethau economaidd datganoledig y llywodraeth a chefnogi cryfderau sectoraidd Cymru, yr Alban a Gogledd Iwerddon?”
Fframwaith polisi rydym yn falch iawn ohono yng Nghymru wrth gwrs yw Deddf Llesiant Cenedlaethau'r Dyfodol 2015, sy'n ddeddfwriaeth gyffredinol sy'n treiddio i holl bolisïau Llywodraeth Cymru. Ei nod yw gwella lles cymdeithasol, economaidd, amgylcheddol a diwylliannol Cymru a dyma'r cyntaf o'i fath yn y byd sy'n mandadu cyrff cyhoeddus i ystyried cenedlaethau'r dyfodol wrth ddatblygu polisïau a gwasanaethau cyhoeddus.
Er nad yw'n benodol gysylltiedig â Strategaeth Ddiwydiannol, mae ganddo 7 nod (Cymru lewyrchus, gwydn, iachach, mwy cyfartal, cydlynol, bywiog) a 5 ffordd o weithio (meddylfryd hirdymor, atal, integreiddio, cydweithio a chyfranogiad).
O safbwynt dylunio, mae dogfen benodol Fframwaith Cenedlaethau'r Dyfodol ar gyfer Dylunio Gwasanaethau dangos sut y gall dylunio sy’n canolbwyntio ar y defnyddiwr gyflawni’r canlyniadau hyn. Mae dylunio eisoes yn rhan o’r Proffesiwn Digidol a Data yng Nghymru lle mae Dylunio Gwasanaeth, Dylunio UX, Dylunio Cynnwys ac Ymchwil i Ddefnyddwyr yn alluoedd wedi'u codio'n benodol. Yn ei hanfod, dylunio yw un o'r dulliau sy'n sail i'r ffordd y caiff Fframwaith Cenedlaethau'r Dyfodol ei weithredu yng Nghymru a gellid ystyried yr egwyddor hon yn arfer gorau ar gyfer strategaethau'r DU. Felly, mae dylunio yn ffordd o weithio yn y llywodraeth ond hefyd yn sgil y mae angen i ni ei hadeiladu ar gyfer y trawsnewidiad gwyrdd ar draws diwydiant.
Felly, i ateb cwestiwn yr arholiad mewn ffordd gryno gan adeiladu ar brofiad Cymru a’n cryfderau sectoraidd mewn dylunio…
Dylai Strategaeth Ddiwydiannol y DU fod yn cwmpasu ffactorau cymdeithasol, economaidd, amgylcheddol a diwylliannol eang; dylai ganolbwyntio ar y presennol a’r cenedlaethau’r dyfodol ac yn cael ei danategu gan ddylunio sy’n canolbwyntio ar y defnyddiwr.
Darganfyddwch fwy am waith ein tîm Polisi Dylunio yma
