Cardiau CO:RE - Cynnwys ac Estheteg
Yn yr ail erthygl hon, sy’n rhan o’n cyfres ar CO:RE Cards, mae 3 aelod o’n tîm Media Cymru, Jo Ward, Safia Suhaimi a Siena DeBartolo, yn trafod y broses o ddatblygu'r cysyniad i mewn i adnodd gweithio ar gyfer sesiynau PDR a CO:RE
Beth yw cardiau CORE?
Rhestr o gardiau a ddyluniwyd i annog trafodaethau ynghylch ‘iaith’ Ymchwil a Datblygu ac arloesi yw CO:RE Cards. Wrth wneud hynny, mae’n helpu i feithrin deialogau, cyd-ddysgu a chydweithio ymhlith ymarferwyr creadigol yng Nghymru.
Pam wnaethom eu creu?
Ein bwriad oedd cynnig rhywbeth â gwerth ychwanegol i’r cyfarfodydd hyn, drwy hwyluso sgyrsiau a chaniatáu iddynt ymgysylltu â phobl greadigol eraill sydd wedi cael profiadau Ymchwil a Datblygu tebyg. Dyma le ddaeth y gyfres CO:RE Cards a PDR & CO:RE i rym. Dysgwch fwy am amcanion CO:RE Cards.
Beth oeddem eisiau i’r cardiau gyflawni?
Jo: Roeddem am helpu pobl i deimlo’n fwy cyfforddus yn siarad am dermau Ymchwil a Datblygu ac Arloesi, rhannu mewnwelediad i’w hymarfer a gwneud hyn gyda phobl nad ydynt efallai wedi siarad â nhw o’r blaen. Mae hynny’n gofyn tipyn wrth bobl! Ond, rydym wedi profi gwerth yn ein damcaniaeth - mae defnyddio’r cardiau yn helpu i chwalu’r rhwystrau hynny i ymgysylltu ac annog pobl i ddatblygu dealltwriaeth drwy sgyrsiau. Dangoswyd eu bod yn newid canfyddiadau pobl yn seiliedig ar fod profiadau’n ‘fwy’ na rhai pobl eraill, a bod cyffredinrwydd a chysylltiadau rhwng pobl na fyddent wedi’u gwneud heb i gardiau CO:RE hwyluso’r sgyrsiau hyn.
Safia: Roedd yn braf gweld bod pobl yn defnyddio’r cardiau i rannu eu brwydrau a’u heriau personol ym maes ymchwil a datblygu. Roeddem yn teimlo bod PDR & CO:RE yn darparu ‘man diogel’ iddynt ymchwilio i’w profiadau go-iawn, atgofion, lles meddyliol a mwy. Y bwriad oedd dechrau ‘ddeialogau o amgylch Ymchwil a Datblygu’ yn unig, ond mae bellach wedi troi i fod yn broses o gyfnewid profiadau gwahanol, yn fwy ystyrlon.
Sut wnaethom greu’r cynnwys?
Safia: Daeth aelodau’r tîm ynghyd i ddechrau casglu syniadau ar eu profiadau cyflwyno arloesi yn y gorffennol gyda’r diwydiannau creadigol. Gwnaethom edrych ar faterion cyffredin a themâu a gododd o’r rhyngweithiadau hynny. O hyn, roeddem yn gallu creu 4 categori ac yna cardiau ychwanegol, gwag, i’r chwaraewyr ychwanegu ysgrifennu arno am eu pynciau ei hunain.
Roeddem yn awyddus i ddefnyddio’r ymadroddion, rhagdybiaethau a phethau cyffredin y mae pobl yn dweud am arloesi a rhoi’r rhain o flaen pobl i weld sut y byddent yn ymateb! Roedd yn wych dysgu am nifer o’r bobl greadigol a ddaeth atom i ddweud sut maent yn ymwneud â’r ysgogiadau hyn, ac roedd y cardiau fel pe baem wedi ‘darllen eu meddyliau’!
Pa gyfyngiadau wnaethom weithio ynddynt ar gyfer golwg a theimlad y cardiau?
Siena: Bu’n rhaid i ni weithio o fewn canllawiau brand penodol Media Cymru ar gyfer dyluniad graffig y cardiau, felly treuliais amser yn eu gwthio i’r terfynau i roi iaith weledol unigryw i’r cardiau. Dewisom bump o’r lliwiau brand mwyaf bywiog ac addasu eu anhryloywedd, am fwy o gyferbyniad rhwng y cefndir a’r siapiau.
Yn iteriad cyntaf y dec o gardiau, fe wnaethom ddarganfod drwy brofi nad oedd yr hierarchaeth (yr hyn y tynnir y llygad ato'n gyntaf) yn gwbl glir, a bod y testun sy’n ysgogi'r drafodaeth yn cystadlu gyda'r teitl a'r cyfarwyddiadau ar y cerdyn. Ar ôl cryn amser yn meddwl, penderfynom dynnu sylw at y testun, gan mai dyma oedd angen ei ystyried fwyaf mewn bocsys graddiant. Yn yr ail fersiwn, rydym hefyd wedi cynyddu nifer y cardiau, o 26 i 45, i ganiatáu mwy o chwarae a sgwrsio, cyn ailadrodd cardiau.
Pan ddaeth yn amser argraffu, roeddem yn chwarae gyda phapurau matte a sgleiniog. Gwnaethom lawer o ystyried, fel effaith amgylcheddol papur sgleiniog (cot blastig) a phapur matte. Ond yn y diwedd, roeddem wedi sylwi y byddai hirhoedledd y cardiau, a'r gallu i ysgrifennu arnynt gyda marcwyr bwrdd gwyn, yn cael blaenoriaeth. Mae'r cardiau a gwblhawyd gennym yn wydn iawn, ac ar ôl llawer o drin (o amgylch te, coffi a chacen) wedi profi’n llwyddiannus wrth ddefnyddio a rhwygo.
Sut ydym wedi iteru?
Safia: I ddechrau, aethom drwy’r dec o gardiau gyda phobl greadigol sy’n gysylltiedig â Media Cymru mewn sawl sesiwn PDR & Co:re, a oedd yn rhoi iteriadau i ni ar gyfer gwell hygrededd ac adnabod. Profwyd defnydd o’r fersiwn diweddaraf mewn sesiynau pellach gyda chanlyniadau cadarnhaol. Bydd ein defnydd parhaus gyda phobl greadigol yn parhau i ddarparu mwy o fewnwelediadau i ni, wrth barhau i wella’r dec i'w gyflwyno yn y dyfodol.
Beth yw’r ymateb hyd yn hyn?
Jo: Mae pobl wedi cael sgyrsiau na fydden nhw wedi eu cael, fel arfer, gyda phobl na fydden nhw fel arfer yn siarad â nhw - i mi, mae hynny'n ymateb ardderchog. Gellid anghytuno â dehongliad rhai o'r termau - eto, gwych! Os yw hynny'n eich annog i gael trafodaeth agored ynghylch pam rydych chi'n ymateb i rywbeth, credaf fod hynny'n ymateb cadarnhaol. Mae'r iaith yn seiliedig ar dystiolaeth ac nid oes atebion 'cywir nac anghywir'... nid yw popeth mor ddeuaidd ag y mae'n ymddangos.
